Дзень роднай мовы ў аздараўленчым лагеры “Рось”

       У аздараўленчым лагеры “Рось” быў аб’яўлены і праведзены Дзень роднай мовы.                                                                                    

Шмат цікавай і карыснай інфармацыі аб славутых пісьменніках Гродзеншчыны (Алаізе Ажэшка, А.Міцкевічу, М.Бабіч і іншых) даведаліся выхаванцы аздараўленчага лагера ў выніку правядзення гутаркі “Чым багата родная мова” і віктарыны “Знаўцы роднай мовы”, якія праводзілі выхавацелі атрадаў.                                                            А затым была сустрэча з пісьменніцай Ваўкавыска Настассяй Токаравай-Самушчык. Настасся Аляксандраўна пазнаёміла выхаванцаў нашага летніка са сваёй творчасцю. Вялікі інтарэс у хлопчыкаў і дзяўчынак нашага аздараўленчага лагера выклікалі вершы пісьменніцы, прысвечаныя яе матульцы і нашай малой Радзіме – Ваўкавышчыне. Многа станоўчых эмоцый ва ўсіх прысутных выклікалі і мініяцюры Настассі Аляксандраўны, у выкананні якіх прыняла ўдзел і яе дачка Ганначка.

Культарганізатар Мялешка В.С. і аккампаніатар Семяняка Н.Н. развучвалі з хлопчыкамі і дзяўчынкамі беларускія народныя гульні  і арганізавалі вернісаж  дзіцячага малюнка “Па творах беларускіх пісьменнікаў”.

А ячшчэ вельмі цікава і насычана прайшло мерапрыемства “Беларускі вянок”. Дзеці і падлеткі чыталі вершы на нашай роднай мове, выконвалі беларускія песні і танцы. А некаторыя выхаванцы прачыталі свае ўласныя творы.

У кожным атрадзе выхавацелі разам з дзецьмі развучвалі беларускія пагаворкі, а напрыканцы дня з вялікам інтарэсам была праведзена  гадзіна добрых пажаданняў “Шчодрыя словы роднай старонкі”.

Вынік аказаўся наступным: выхаванцы нашага лагера добра ведаюць шэраг самых розных твораў беларускіх пісьменнікаў, а некаторыя дзеці нават і самі іх ствараюць.

Хочацца адзначыць, што напрацягу ўсяго дня ў нашым лагеры царыла атмасфера беларусамоўя. А гэта вельмі спадабалася як дарослым, так і дзецям. Нават паступіла прапанова: апошні, развітальны дзень у аздараўленчым лагеры, правесці таксама на беларускай мове.

Педагог-арганізатар      Алена Багдановіч